DekleraciaDekleracia le Ungriko Parlamentoske
Dekleracia Romanes!
Ame le Europake rom, saval majfeder kamen le Eurpake romani integracia, pe kodi mangas le Ungriko themes hoj te vazdadyol jekh Akademia, savi muntol,grizhil, nevisarel la Romana shiba.
Kodal rom saval vorbin e romani shib, khatikaj andaj luma thaj chi andaj Europa chi zhanen adej officiji te anglaldenpe pe pengi shib.
Kadaleski dosh andakodi si hoj arhaikusoj amari shib, taj nopre sas kon pe interkontinentalicka rig lasharlas.
Zhanas kodi hoj jekh themeske manusheske trobul te vorbil peske themeski shib, de trobul te phenas hoj but zhutilas la integraciake, te vi anda officiji- sityaripe-kultura shaj dasas duma pe amari shib. E romani shib perdal trobul te perel pe baro nevisaripe, hoj te shaj sityaras andej shkoli .
Amen kamasas hoj e romani shib te avel kasavi sar le majbut Europake shiba. Kade gindisaras hoj mishto avlas te ushtyaven jekh kasavi Akademia savi kodifikalil amari shiba.
So si pe luma but dialektusura si te keras sinkronizacia.
Kana lashardi si e grammatika thaj bulharen e romani shib, athubchi shaj resas e lumake lityeraturengi klassikusura.
O Viktor Orban le Ungriko themesko prezidento, phendas hoj anda 2011-bersh o ungriko EU. Prezidentesko jekh butyi la Europako romani strategia kamelas te kerel.
Ame najisaras kadi butyi. De trobut te phenas , le romangi integracia na, numa feri lengi assimilacia shaj avla tena kerena la romana shibaki nevipe. Mangas le Ungriko themes hoj kana perdal lela le EU.prezidentosko stafeta , atunchi te zhautil amaro mangipe, thaj pe EU. Srtategiaki rig te vazdadyol jekh Akademia savi nevisarel,lasharel la romana shiba.
2010. november 20.